Michou

Clotilde

Clotilde la fé mal à moin
Mon case la case mon voisin
Pied d'bois tôles la maillé
Plein de moune té qui fé pitié
Do l'eau la donné mounoir
La journée lété qui fait noir
Té qui prie Bon Dieu
Pou qui fait pas dégâts ici

Mek' li la donné (bis)
Cascade la fé pêter, Radier li la débordé
Mek' li la tombé, oui li la grainé
Chemin lété emporté
Tout' la case l'éé bien noyé
Mek' li la donné (bis)
Cascade la fé pêter, Radier li la débordé
Mek' li la tombé, oui li la grainé
Pou nous l'acait point pitié
Sinistrés l'avait par milliers

Météo la donne position
La radio li l'information
Préfet passe la télé
Pou çat' nana l'estrécité
Tout' créole compte pi la perte
Y vive en état d'alerte
Le cyclone ça duré la journée
Et la nuit' aussi

Clotilde nana plein témoins
Qui voit k' ta fé pleure demain
Beaucoup d'famille partout
Que toué la frappe à tous les coups
Même framoune la jamais vu ça
Jenny, Hyacinthe la pas fé tout ça
Mais comment nous va fé
Si ti viens pou casser ici