Luc Donat Le roi du séga

Bien fait pou toué :

Rôle pas trop le coeur su z'affaire l'a pas a toué
Toué n'aura trop d'ma hère
Toué va gaigne mal au kère
Rest'la case tranquille avec ton p'tit nénère
Allez pas rôde un femme trop compliquée
Guet'comment soleil y pète su ton balcon
Allez rôde ça aillère
Nana, mais l'est plus chèr
Tout'manière, toué l'est pas fait pou l'aut'façon
Avec toué même faut pas ramasse mentère

Donne à li - trois z'idées
L'est comme sik'ti met'couteau dan'main marmaille
Dès k'li va grimpe in pé
Li va oublie ton rougaille

Y vaut mieux mange in bon cari brèdes chouchou
Plutot k'saucisses en boîte
Bien cuit dan'sauce tomates
Si ti gagnes pas porte souliers met'in savate
Faut jamais essaye pête plus haut k'ton trou
Toué, l'est bon, li même l'a dit, rappelle a toué
Seul'ment dans ce temps-là
Toué même l'étais le roi
Casse pas la tête si son moque l'a chaviré
Li même li connaît pas coça k'li fait

S'cuse à li - laisse a li
Bientôt va arrive l'heure bon dieu y puni a li
Avant li - après li
N'aura toujours bingualis
Saute dessus avant k'li même y saute su toué
Ça l'est in vrai piplette
Faudra coupe son suflette
Si in jour li dit a toué même son gâté
Argarde toujours ou ça k'li mette ton pied
Tout'façons roule 7 fois ton langue dans ton bouche
Avant d'prononce a toué
Laisse la rivière couler
Y vaut mieux k'ti boire ton soupe avec in louche
Plutôt qu'avec in cuillère argentée.

Chante séga - maloya
Pas besoin esquinte a toué, li va tomber
Son deux z'ailes - comme caria
A force jouer - li va tomber

Laisse a li, tout d'in coup li nana gros tête
Ça va apprend'a toué
Compter avant d'donner
Si dan'ton gosier y glisse 1 - 2 z'arrêtes
Avale in gazon d'riz, ça va passer
Prochaine fois quand toué va mange in aut'carri
Ti laisses pas toué aller
Ti goûtes si l'est salé
D'habitude quand ti achètes, ti guettes le prix
Pou li, toué l'as donne tout'sans calculer.