Description :
Enn ti zistwar letan lontan :
Enn zour ti ena enn ti la grin nik ki ti apel "YAKA".
Enn zardinié finn trouv sa la grin la, ek linn remarké ki li ti spesial. Li finn fer la grin la zermé, pou donn enn plant ki zamé ti ekzisté avan.
Zardinié finn okip li avek lamour. Finn aroz li tou le zour, mét bon fimié natirel, protèz li kont bébet ek soley, pa servi lengré simik...
ROOTS MAN ! Rasinn la finn pran ! Mé kan plant la pousé, personn pa pran li kont. Dimoun pran li pou mové lerb, kuma dir lerb bourik !
Zardinié la li, li pa dékourazé. Apré 2 banané patianss, ti plant inn vinn ti pié. 2 lané zéfor enkor, ti pié la ti plin ar feye ek zoli flèr.
É parski sa zarb la ti ena enn sel koumsa lor la ter, tou dimoun finn komanss gagne mari nissa ar li. Ler si frui komanss raporté, tou kalité
marsan, rekin, mardayer ek lot zimaz enkor finn komanss zet grogro lizié lor pié la. Zot komanss fer komeraz lor zardinié. Fer li gagne
traka ek problem. Tou sel, zardinié la pa fouti litt kont kouran. Li pran so paké, li alé. Li less rapass amizé. Pié la osi pé pran so nissa.
Pé pran bon pou pabon, ek pabon pou bon.
Paké lané finn pasé. Paké lot pié finn poussé brit. Ek sa premié zarb la, li tinn depayé ek pié la finn séti. So rasinn finn brilé.
Mé personn pa ti koné ki zardinié la ti rési kasièt meyèr frui ki pié la ti raporté. Ek zordi, sa mem sa frui la ki zot pé kapav aprésié.
Sa mem sel frui ki enkor ekzisté de sa premié pié spesial la. Ek frui la ena enkor so bann lagrin dan li. Kit foi zot pou kapav fer mari zoli
pié pousé enkor zordi. Zardinié la, li enkor en plass lor baz. Li touzour kapav okip nouvo lagrin. Mé sé touzour bann gro malin ki pou sey rod trass nou destin. PRAN KONT ! RASINN PÉ BRILÉ !
Sa premié pié la, si mo rapel bien ...... li ti apel ségé...ou enn zafer koumsa mem....enfin... pas kass la tét..... ROOTS MAN....
Enn zour ti ena enn ti la grin nik ki ti apel "YAKA".
Enn zardinié finn trouv sa la grin la, ek linn remarké ki li ti spesial. Li finn fer la grin la zermé, pou donn enn plant ki zamé ti ekzisté avan.
Zardinié finn okip li avek lamour. Finn aroz li tou le zour, mét bon fimié natirel, protèz li kont bébet ek soley, pa servi lengré simik...
ROOTS MAN ! Rasinn la finn pran ! Mé kan plant la pousé, personn pa pran li kont. Dimoun pran li pou mové lerb, kuma dir lerb bourik !
Zardinié la li, li pa dékourazé. Apré 2 banané patianss, ti plant inn vinn ti pié. 2 lané zéfor enkor, ti pié la ti plin ar feye ek zoli flèr.
É parski sa zarb la ti ena enn sel koumsa lor la ter, tou dimoun finn komanss gagne mari nissa ar li. Ler si frui komanss raporté, tou kalité
marsan, rekin, mardayer ek lot zimaz enkor finn komanss zet grogro lizié lor pié la. Zot komanss fer komeraz lor zardinié. Fer li gagne
traka ek problem. Tou sel, zardinié la pa fouti litt kont kouran. Li pran so paké, li alé. Li less rapass amizé. Pié la osi pé pran so nissa.
Pé pran bon pou pabon, ek pabon pou bon.
Paké lané finn pasé. Paké lot pié finn poussé brit. Ek sa premié zarb la, li tinn depayé ek pié la finn séti. So rasinn finn brilé.
Mé personn pa ti koné ki zardinié la ti rési kasièt meyèr frui ki pié la ti raporté. Ek zordi, sa mem sa frui la ki zot pé kapav aprésié.
Sa mem sel frui ki enkor ekzisté de sa premié pié spesial la. Ek frui la ena enkor so bann lagrin dan li. Kit foi zot pou kapav fer mari zoli
pié pousé enkor zordi. Zardinié la, li enkor en plass lor baz. Li touzour kapav okip nouvo lagrin. Mé sé touzour bann gro malin ki pou sey rod trass nou destin. PRAN KONT ! RASINN PÉ BRILÉ !
Sa premié pié la, si mo rapel bien ...... li ti apel ségé...ou enn zafer koumsa mem....enfin... pas kass la tét..... ROOTS MAN....