Jozzi

Douleur Mafate :

En l'air piton Maïdo su l'bord rempart,
Frisson l'a passe dans mon dos mounoir
Moin té pou jette un'ti galet dan'vide
En bas
Mi crois pas
Sak'nana...
Brouillard levé, tomber le s'rin su la crête
Moin, sans souci, mi casse pas la tête
Debout', assise, quatre-patte, m'a descend'
Ti pas
Mi ça va
Là bon bas...

Même su le ciel
Lé pas bien pareil
Et si le soleil
Lé comme en sommeil
Moin té ien plus en sécurité dans le ventre de la Réunion
Comme dan'ventre monmon.

N'a point l'auto foutor même pas un charette
Douleur sentier dan'mollet i mette
A pied dans la pente m'a gagne l'élan
Glisser
Déraper
Dénouler
Même si me crois pas toute bande z'histoires bébête
Tazentemps derrière mi tourne, mi guette
Si grand-mère Kal pas pou suiv' à moin
Qui sait ?
Si jamais
L'était vrai...

Même si le ciel
Lé pas bien ouvert
Et si le soleil
Souvent lé couvert
Moin té bien plus en sécurité dans le ventre la Réunion
Comme dan' ventre monmon.

En l'air piton Maïdo su l'bord rempart
Frisson l'a passe dans mon dos mounoir
Moin té pou jette un'ti galet dan'vide
En bas
Mi crois pas
Sak'nana...
Dan'pied'coeur mon pays, dans le cirque Mafate
Moin l'a vu la Nouvelle, Marla, Roche Plate
Té faufile dan'bois comme chatte marron
Comment ?
Passe le temps
Et les ans...